ស្របពេលតម្លៃប្រេងពិភពលោកកំពុងហក់ឡើងខ្ពស់ ដោយសារតែសង្គ្រាមនៅមជ្ឈិមបូព៌ា ជាមួយនិងការបិទច្រកសមុទ្រ Hormuz ។
ស្រាប់តែអ្នកនាំពាក្យកងទ័ពអ៊ីរ៉ង់ ព្រមានថា ខ្លួននឹងធ្វើឲ្យតម្លៃប្រេងពិភពលោកឡើងខ្ពស់ដល់២០០ដុល្លារក្នុងមួយបារ៉ែល បើប្រទេសជិតខាង មិនជួយគ្នាបញ្ឈប់សកម្មភាពរបស់ប្រធានាធិបតីអាមេរិក ដូណាល់ ត្រាំ ។
សារព័ត៌មាន RT នៅថ្ងៃចន្ទទី៩ ខែមីនាឆ្នាំ២០២៦។
លោក Ebrahim Zolfaghari អ្នកនាំពាក្យកងទ័ពអ៊ីរ៉ង់ អះអាងថា៖ យើងសង្ឃឹមថា រដ្ឋាភិបាលនៃបណ្តាប្រទេសមូស្លីម នឹងស្រុះដៃគ្នាចេញការព្រមានដល់សហរដ្ឋអាមេរិក និងរបប Zionist ប្រឆាំងសកម្មភាពដ៏កំសាក ដែលធ្វើបាបមនុស្ស ដូច្នេះអណ្តាតភ្លើងនៃសង្គ្រាម មិនឆេះរាលទៀតទេ។
ប៉ុន្តែបើអ្នកចង់ឲ្យតម្លៃប្រេងហក់ឡើងដល់ ២០០ដុល្លារក្នុងមួយបារ៉ែល អ៊ីចឹងបន្តធ្វើរឿងបែបហ្នឹងទៀតចុះ។
បញ្ជាការដ្ឋានយោធាកំពូលអ៊ីរ៉ង់ ក៏បានចេញឱសានវាទរួចហើយថា នឹងវាយប្រហារលើរោងចក្រប្រេងទូទាំងតំបន់៕