យ៉ាងហោចណាស់មានមនុស្ស៤២ នាក់បានស្លាប់ បន្ទាប់ពីជំនន់ទឹកភ្លៀងនៅទូទាំងប្រទេសកេនយ៉ា។ អាជ្ញាធរបានឱ្យដឹងថា ក្នុងចំណោមអ្នកស្លាប់ទាំងនោះ មាន២៦ នាក់នៅក្នុងរដ្ឋធានីណៃរ៉ូប៊ីចាប់តាំងពីថ្ងៃសុក្រ។
ប្រភពពីសារព័ត៌មានAl Jazeera នៅថ្ងៃទី៩ខែមីនា។
រដ្ឋមន្ត្រីក្រសួងសេវាសាធារណៈ និងកម្មវិធីពិសេស Geoffrey Ruku បាននិយាយថា ភ្លៀងធ្លាក់ខ្លាំងបានបង្កទឹកជំនន់ភ្លាមៗនៅតំបន់ជាច្រើន បណ្ដាលឱ្យផ្លូវថ្នល់ជន់លិច រំខានដល់ការដឹកជញ្ជូន និងបំផ្លាញហេដ្ឋារចនាសម្ព័ន្ធ។
នៅក្នុងទីក្រុង Nairobi ទឹកជំនន់បានជន់លិចសង្កាត់ទំនាប និងតំបន់រស់នៅក្រៅផ្លូវការ បណ្ដាលឱ្យផ្ទះសម្បែងជាច្រើនរងការខូចខាត និងយានយន្តខ្លះត្រូវទឹកបោកបក់យកទៅឆ្ងាយ។ ក្រុមជួយសង្គ្រោះបានបន្តស្វែងរក និងយកសាកសពចេញពីតំបន់ដែលរងផលប៉ះពាល់៕