កាលពីថ្ងៃពុធ ទី១១ ខែមីនា ឆ្នាំ២០២៦ ក្រុមប្រឹក្សាសន្តិសុខអង្គការសហប្រជាជាតិ បានទាមទារឱ្យអ៊ីរ៉ង់ បញ្ឈប់ការវាយប្រហារលើក្រុមប្រទេសអារ៉ាប់ នៅតំបន់ឈូងសមុទ្រពែក្ស។
សារព័ត៌មាន AFP។
ដំណោះស្រាយ ត្រូវបានអនុម័តដោយសំឡេងគាំទ្រចំនួន១៣ និងអនុបវាទចំនួន២ ក្នុងចំណោមសមាជិកក្រុមប្រឹក្សាសន្តិសុខទាំង១៥ បានទាមទារឱ្យអ៊ីរ៉ង់ បញ្ឈប់ជាបន្ទាន់រាល់ការវាយប្រហារប្រឆាំងនឹងប្រទេសបារ៉ែន កូវ៉ែត អូម៉ង់ កាតា អារ៉ាប៊ីសាអូឌីត អេមីរ៉ាតអារ៉ាប់រួម និងហ្ស៊កដានី។
ដំណោះស្រាយនេះ ក៏បានថ្កោលទោស ផងដែរសកម្មភាពណាមួយ ឬការគំរាមកំហែងរបស់អ៊ីរ៉ង់ ក្នុងគោលបំណងបិទខ្ទប់ បង្កឧបសគ្គ ឬជ្រៀតជ្រែកការធ្វើចរាចរតាមផ្លូវទឹកឆ្លងកាត់តាមច្រកសមុទ្រ Hormuz។
អ៊ីរ៉ង់ អះអាងម្ដងហើយម្ដងទៀតថាការវាយប្រហាររបស់ខ្លួនលើក្រុមប្រទេសឈូងសមុទ្រពែក្ស។
គឺជាការសងសឹក ទៅនឹងការវាយប្រហាររបស់សហរដ្ឋអាមេរិក និងអ៊ីស្រាអែល ដែលបានសម្លាប់មេដឹកនាំកំពូលអ៊ីរ៉ង់ ។
លោក Ayatollah Ali Khamenei ខណៈប្រទេសទាំង២នៅតែបន្តទម្លាក់គ្រាប់បែកលើទឹកដីអ៊ីរ៉ង់។
អ៊ីរ៉ង់ក៏បាន បើកការវាយប្រហារលើកប៉ាល់ពាណិជកម្មដឹកប្រេង ដែលធ្វើដំណើរឆ្លងកាត់តាមច្រកសមុទ្រ Hormuz ផងដែរ។
អាមេរិក និយាយថា ការអនុម័តដំណោះស្រាយខាងលើបានឆ្លុះបញ្ចាំងពីការថ្កោលទោសយ៉ាងទូលំទូលាយ លើការវាយប្រហាររបស់អ៊ីរ៉ង់។
ខណៈចិននិងរុស្ស៊ី បានបោះឆ្នោតអនុបវាទ និងចាត់ទុកថាដំណោះស្រាយនេះ មិនបានទទួលស្គាល់អរិភាពរបស់សហរដ្ឋអាមេរិក និងអ៉ីស្រាអែលលើអ៊ីរ៉ង់៕