លោក Chris Wright រដ្ឋមន្ត្រីក្រសួងថាមពលសហរដ្ឋអាមេរិក បាននិយាយកាលពីថ្ងៃពុធថា សហរដ្ឋអាមេរិកនឹងបញ្ចេញប្រេង១៧២លានបារ៉ែល ពីទុនបម្រុងយុទ្ធសាស្ត្ររបស់ខ្លួន។
ក្នុងបំណងជួយបន្ថយតម្លៃ ដែលបានកើនឡើងយ៉ាងខ្លាំង ដោយសារសង្គ្រាមអាមេរិក-អ៊ីស្រាអែលលើអ៊ីរ៉ង់។
សារព័ត៌មាន Reuters នាថ្ងៃព្រហស្បតិ៍ ទី១២ ខែមីនា ឆ្នាំ ២០២៦។
តាមលោក Wright ថ្លែងថា ការបញ្ចេញនឹងចាប់ផ្តើមនៅសប្តាហ៍ក្រោយ ហើយអាចចំណាយពេលប្រហែល ១២០ថ្ងៃ ដើម្បីចែកចាយ។
វាគឺជាផ្នែកមួយនៃគម្រោង បញ្ចេញប្រេង ៤០០លានបារ៉ែល តាមការអំពាវនាវពីទីភ្នាក់ងារថាមពលអន្តរជាតិ និងដែលមាន ៣២ប្រទេសបានយល់ព្រមចូលរួម។
នៅថ្ងៃព្រហស្បតិ៍ ប្រេងឆៅអាមេរិក West Texas Intermediate មានតម្លៃ ៩៣.៨០ដុល្លារក្នុងមួយបារ៉ែល កើនឡើង៧.៥ភាគរយ។
ខណៈប្រេងឆៅ Brent មានតម្លៃ ៩៩.០៣ដុល្លារ ក្នុងមួយបារ៉ែល កើនឡើង៧.៧ភាគរយ៕