មនុស្សយ៉ាងហោចណាស់៦៤នាក់បានស្លាប់ និងមនុស្សជាច្រើនទៀតបានបាត់ខ្លួន បន្ទាប់ពីការរអិលបាក់ដី និងទឹកជំនន់បានវាយប្រហារតំបន់តំបន់ហ្គាម៉ូភាគខាងត្បូងប្រទេសអេត្យូពី។
ប្រភពពីសារព័ត៌មានAl Jazeeraនៅថ្ងៃទី១២ខែមីនា។
ប៉ូលីសបានបញ្ជាក់ថា មនុស្សប្រហែល ១២៨ នាក់កំពុងត្រូវបានរាយការណ៍ថាបាត់ខ្លួន ខណៈក្រុមជួយសង្គ្រោះកំពុងបន្តស្វែងរកជនរងគ្រោះ។ ភាគច្រើននៃសាកសពត្រូវបានរកឃើញកប់នៅក្នុងភក់ បន្ទាប់ពីភ្លៀងធ្លាក់ខ្លាំងបណ្តាលឱ្យដីរអិល និងទឹកជំនន់។
មន្ត្រីក្នុងតំបន់បានបញ្ជាក់ថា ក្រុមជួយសង្គ្រោះបានអាចជួយសង្គ្រោះមនុស្សម្នាក់ចេញពីភក់ទាំងរស់ ខណៈប្រតិបត្តិការស្វែងរកនៅតែបន្ត។
អភិបាលតំបន់ភាគខាងត្បូង Tilahun Kebede បានសម្តែងការសោកស្តាយចំពោះគ្រោះមហន្តរាយនេះ និងអំពាវនាវឱ្យប្រជាពលរដ្ឋនៅតំបន់ដែលងាយរងគ្រោះ ផ្លាស់ទីទៅកន្លែងខ្ពស់ ដោយសារភ្លៀងនៅតែបន្តធ្លាក់ និងអាចបង្កគ្រោះមហន្តរាយបន្ថែមទៀត៕