យោធាអ៊ីស្រាអែល នៅថ្ងៃព្រហស្បតិ៍ទី១២.០៣.២០២៦ ប្រកាសថា ខ្លួនបានវាយប្រហារតាមអាកាសទៅលើទីតាំង Taleghan ក្នុងទីក្រុងតេហេរ៉ង់ ដែលអ៊ីស្រាអែល ចាត់ទុកថាជាកន្លែងដែលអ៊ីរ៉ង់ កំពុងប្រើប្រាស់ ក្នុងការពង្រឹងសមត្ថភាពនុយក្លេអ៊ែរ។
ព័ត៌មានស៊ីនហួរ..!។
សេចក្តីថ្លែងការណ៍ យោធាអ៊ីស្រាអែលបាននិយាយថា ការវាយប្រហារនេះបានកំណត់គោលដៅ លើបរិវេណ Taleghan ដែលត្រូវបានប្រើប្រាស់ក្នុងរយៈពេលប៉ុន្មានឆ្នាំចុងក្រោយនេះ សម្រាប់បង្កើតគ្រឿងផ្ទុះកម្រិតខ្ពស់ និងធ្វើការពិសោធន៍ពាក់ព័ន្ធនឹងគម្រោង AMAD ។
ដែលអ៊ីស្រាអែល ថា ជាកម្មវិធីសម្ងាត់របស់អ៊ីរ៉ង់ ក្នុងការបង្កើតអាវុធនុយក្លេអ៊ែរ។
យោធា ក៏បានបញ្ចេញរូបភាពផ្កាយរណបនៃប្រតិបត្តិការវាយប្រហារនេះផងដែរ ។
ខណៈអ៊ីរ៉ង់ តែងតែបដិសេធជានិច្ចថា កម្មវិធីនុយក្លេអ៊ែររបស់ខ្លួនគឺសម្រាប់គោលបំណងសន្តិភាព។
កាលពីថ្ងៃទី៣ ខែមីនា អ៊ីស្រាអែល បានកំណត់គោលដៅលើទីតាំង Minzadehei នៅជាយក្រុងតេហេរ៉ង់ ដែលអ៊ីស្រាអែល អះអាងថា ជាកន្លែងអភិវឌ្ឍសមាសធាតុសំខាន់ៗសម្រាប់អាវុធនុយក្លេអ៊ែរ។
សកម្មភាពនេះ បានកើតឡើងស្របពេលដែលជម្លោះ ក្នុងតំបន់មជ្ឈិមបូព៌ា ដែលបង្កឡើងដោយការវាយប្រហាររួមគ្នារវាងអាមេរិក-អ៊ីស្រាអែលលើអ៊ីរ៉ង់៕