សង្គ្រាមនៅតំបន់មជ្ឈិមបូព៌ាកំពុងតែរីករាលដាលកាន់តែខ្លាំង បន្ទាប់ពីមេដឹកនាំកំពូលថ្មីរបស់អ៊ីរ៉ង់ Mojtaba Khamenei បានបញ្ជាឱ្យបន្តបិទច្រកសមុទ្រ Hormuz និងបើកការវាយប្រហារថ្មីលើគោលដៅថាមពលក្នុងតំបន់ឈូងសមុទ្រ។ ការវាយប្រហារនេះបានធ្វើឱ្យតម្លៃប្រេងពិភពលោកឡើងលើស ១០០ ដុល្លារ ក្នុងមួយបារ៉ែល និងបង្កការព្រួយបារម្ភអំពីការរំខានដល់ការផ្គត់ផ្គង់ថាមពលពិភពលោក។
ប្រភពពីសារព័ត៌មានAFP នៅថ្ងៃទី១៣ខែមីនា។
ក្នុងពេលដូចគ្នា កងកម្លាំងរបស់អារ៉ាប៊ីសាអូឌីត បានស្ទាក់ចាប់ និងបាញ់ទម្លាក់ដ្រូនជាង ២០ គ្រឿង ដែលត្រូវបានគេជឿថាពាក់ព័ន្ធនឹងការគំរាមកំហែងលើរោងចក្រប្រេង។ ខណៈនេះដែរ ការវាយប្រហារដោយដ្រូននៅតំបន់អឺប៊ីលនៃអ៊ីរ៉ាក់ បានសម្លាប់ទាហានបារាំងម្នាក់ និងបង្ករបួសដល់ទាហានជាច្រើននាក់ផ្សេងទៀត៕