អភិបាលក្រុងអឺប៊ីល លោក Omed Koshnaw បានឱ្យដឹងថា យ៉ាងហោចណាស់ទាហានបារាំង៦នាក់បានរងរបួស បន្ទាប់ពីមានការវាយប្រហារដោយដ្រូនលើមូលដ្ឋានទ័ពមួយនៅតំបន់ Makhmour របស់ប្រទេសអ៊ីរ៉ាក់កាលពីថ្ងៃទី១២ ខែមីនា ឆ្នាំ ២០២៦។
ប្រភពពីសារព័ត៌មានReuter។
តាមប្រភពសន្តិសុខបានឱ្យដឹងថា ការវាយប្រហារនេះបានកំណត់គោលដៅលើមូលដ្ឋានទ័ពរួមរវាងកងកម្លាំង Peshmerga និងទាហានបារាំង ដែលមានទីតាំងនៅក្បែរមូលដ្ឋានអាកាសក្នុងតំបន់។
អាជ្ញាធរបានបញ្ជាក់ថា ទាហានដែលរងរបួសត្រូវបានបញ្ជូនទៅព្យាបាលភ្លាមៗ។
មន្ត្រីមូលដ្ឋានបានចាត់ទុកហេតុការណ៍នេះថាជាការវាយប្រហារដ៏ធ្ងន់ធ្ងរ ដែលកើតឡើងក្នុងពេលដែលតំបន់មជ្ឈិមបូព៌ាកំពុងមានភាពតានតឹងខ្លាំង ពាក់ព័ន្ធនឹងសង្គ្រាមនៅក្នុងតំបន់។
ក្រុមសន្តិសុខកំពុងបន្តស៊ើបអង្កេតដើម្បីកំណត់ថានរណាជាអ្នកនៅពីក្រោយការវាយប្រហារនេះ៕