កាលពីថ្ងៃទី14 ខែមីនា ឆ្នាំ2026 ក្រុមហាម៉ាស បានអំពាវនាវឱ្យប្រទេសអ៊ីរ៉ង់ កុំកំណត់គោលដៅវាយប្រហារលើប្រទេសជិតខាង។
ប្រភពពីសារព័ត៌មានReuter។
ក្នុងសេចក្តីថ្លែងការណ៍មួយ ក្រុម Hamas បានបង្ហាញការគាំទ្រចំពោះអ៊ីរ៉ង់ក្នុងអំឡុងពេលសង្គ្រាម ប៉ុន្តែបានអំពាវនាវឱ្យទីក្រុង Tehran ប្រើវិធានការដែលមិនប៉ះពាល់ដល់ប្រទេសជិតខាងនៅតំបន់មជ្ឈិមបូព៌ា។ ក្រុមនេះក៏បានបញ្ជាក់ថា ការឆ្លើយតបរបស់អ៊ីរ៉ង់គួរត្រូវគោរពតាមច្បាប់ និងបទដ្ឋានអន្តរជាតិ។
ការអំពាវនាវនេះកើតឡើងខណៈភាពតានតឹងនៅតំបន់កើនឡើង បន្ទាប់ពីការវាយប្រហាររវាងសហរដ្ឋអាមេរិក អ៊ីស្រាអែល និងអ៊ីរ៉ង់។ នៅពេលដូចគ្នា ក្រុមសម្ព័ន្ធមិត្តអ៊ីរ៉ង់ដូចជាហេសបូឡានៅប្រទេសលីបង់ក៏បានបើកការវាយប្រហារលើ Israel ដើម្បីសងសឹកការសម្លាប់មេដឹកនាំអ៊ីរ៉ង់នៅដើមសង្គ្រាម៕