នាវាផ្ទុកយន្តហោះUSS Gerald R. Ford ដែលជានាវាធំបំផុត និងទំនើបបំផុតរបស់អាមេរិក នឹងចូលចតជាបណ្តោះអាសន្ន បន្ទាប់ពីមានអគ្គីភ័យកើតឡើងលើនាវា ខណៈកំពុងចូលរួមប្រតិបត្តិការយោធាប្រឆាំងនឹងអ៊ីរ៉ង់។
ប្រភពពីសារព័ត៌មានReuter នៅថ្ងៃទី១៨ខែមីនា។
អគ្គីភ័យបានកើតឡើងនៅតំបន់បោកគក់លើនាវា និងចំណាយពេលជាច្រើនម៉ោងដើម្បីគ្រប់គ្រង បណ្តាលឱ្យនាវិកប្រមាណ ២០០ នាក់រងរបួសពាក់ព័ន្ធនឹងផ្សែង ហើយម្នាក់ត្រូវបានបញ្ជូនចេញពីនាវាសម្រាប់ព្យាបាលបន្ថែម។ ទោះជាយ៉ាងណា មន្ត្រីអាមេរិកបានបញ្ជាក់ថា ប្រព័ន្ធជំរុញនាវាមិនរងការខូចខាត និងនាវានៅតែអាចដំណើរការបាន។
បច្ចុប្បន្ន នាវានេះកំពុងស្ថិតនៅសមុទ្រក្រហម ហើយត្រូវបានគេរំពឹងថានឹងទៅកាន់ឈូងសមុទ្រ Souda នៅលើកោះ Crete ប្រទេសក្រិកដើម្បីសម្រាក និងធ្វើការត្រួតពិនិត្យបច្ចេកទេស៕