ស្ថានការណ៍នយោបាយនៅអ៊ីរ៉ង់ កំពុងស្ថិតក្នុងភាពច្របូកច្របល់យ៉ាងខ្លាំង បន្ទាប់ពីមេដឹកនាំកំពូល Ali Khamenei ត្រូវបានរាយការណ៍ថាស្លាប់ក្នុងការវាយប្រហាររបស់អ៊ីស្រាអែល កាលពីចុងខែកុម្ភៈ ឆ្នាំ 2026។
ប្រភពពីសារព័ត៌មានNew York Post នៅថ្ងៃទី១៨ខែមីនា។
ក្រោយពីហេតុការណ៍នោះ លោក Ali Larijani ត្រូវបានគេមើលថា ជាអ្នកដឹកនាំជាក់ស្តែងរបស់រដ្ឋាភិបាលអ៊ីរ៉ង់ ប៉ុន្តែគាត់ក៏ត្រូវបានសម្លាប់បន្តទៀតក្នុងការវាយប្រហារដែលកំណត់គោលដៅ ដោយបានប៉ះពាល់ដល់មេបញ្ជាការជាន់ខ្ពស់ផ្សេងៗផងដែរ។
ការបាត់បង់មេដឹកនាំកំពូល និងមន្រ្តីសំខាន់ៗជាបន្តបន្ទាប់ បានបង្កឱ្យមានសំណួរធំៗអំពីអ្នកដែលកំពុងគ្រប់គ្រងអំណាចពិតប្រាកដនៅក្នុងប្រទេស។ ក្រុមកងកម្លាំងសន្តិសុខ និងយោធា ដូចជា Basij និងកងឆ្មាំបដិវត្តន៍ ត្រូវបានគេរំពឹងថានឹងមានតួនាទីសំខាន់ក្នុងការរក្សាស្ថេរភាព និងអំណាច។
ស្ថានភាពនេះបង្ហាញពីវិបត្តិដឹកនាំធ្ងន់ធ្ងរនៅអ៊ីរ៉ង់ ខណៈសង្គ្រាមនៅមជ្ឈិមបូព៌ាកំពុងបន្តពង្រីក និងគ្មានសញ្ញាធូរស្បើយនៅពេលឆាប់ៗនេះ៕