អ៊ីស្រាអែល អះអាងថាខ្លួនបានសម្លាប់រដ្ឋមន្ត្រីក្រសួងចារកម្មរបស់អ៊ីរ៉ង់គឺលោកEsmail Khatib ក្នុងការវាយប្រហារមួយនៅទីក្រុងតេអេរ៉ង់ កាលពីយប់ថ្ងៃអង្គារ។
ប្រភពពីសារព័ត៌មានCNN នៅថ្ងៃទី១៨ខែមីនា។
ការប្រកាសនេះត្រូវបានធ្វើឡើងដោយរដ្ឋមន្ត្រីការពារជាតិអ៊ីស្រាអែល Israel Katz ដែលបានព្រមានថា សង្គ្រាមនៅតំបន់នឹងបន្តកាន់តែតានតឹង និងមានការភ្ញាក់ផ្អើលសំខាន់ៗបន្ថែមទៀត។ លោកក៏បានបញ្ជាក់ថា អ៊ីស្រាអែលកំពុងពង្រីកប្រតិបត្តិការកំណត់គោលដៅលើមេដឹកនាំជាន់ខ្ពស់អ៊ីរ៉ង់ផ្សេងទៀត ដោយសហការជាមួយនាយករដ្ឋមន្ត្រី លោកBenjamin Netanyahu។
សូមបញ្ជាក់ថា៖ លោក Khatib គឺជាមន្ត្រីសំខាន់ម្នាក់ក្នុងរដ្ឋាភិបាលអ៊ីរ៉ង់ និងធ្លាប់ធ្វើការជិតស្និទ្ធជាមួយប្រធានាធិបតី Masoud Pezeshkian។ ការសម្លាប់របស់គាត់ត្រូវបានគេចាត់ទុកថាជាការប៉ះទង្គិចធ្ងន់លើរចនាសម្ព័ន្ធសន្តិសុខរបស់អ៊ីរ៉ង់៕