នៅថ្ងៃព្រហស្បតិ៍ទី១៩ ខែមីនា ឆ្នាំ២០២៦ អាជ្ញាធរអ៊ីរ៉ង់ បានសម្លាប់មនុស្ស៣នាក់ បន្ទាប់ពីតុលាការកំពូលកាត់ទោសរបស់ពួកគេ ពាក់ព័ន្ធនឹងអំពើហិង្សាក្នុងអំឡុងពេលតវ៉ា កាលពីខែមករា នេះបើយោងតាមប្រព័ន្ធផ្សព្វផ្សាយរដ្ឋ។
ប្រភពពីសារព័ត៌មាន Reuter។
តុលាការបានរកឃើញថា បុរសទាំងបីមានទោសពីបទសម្លាប់មន្ត្រីប៉ូលីសពីរនាក់ និងបទ “Moharebeh” (ធ្វើសង្គ្រាមប្រឆាំងនឹងព្រះ)។ ការប្រហារជីវិតត្រូវបានអនុវត្តនៅទីក្រុងសាសនា Qom។
អាជ្ញាធរអះអាងថា ពួកគេបានចូលរួមក្នុងការវាយប្រហារដោយប្រើកាំបិត និងអាវុធផ្សេងៗ នៅថ្ងៃទី៨ ខែមករា ដែលបណ្តាលឲ្យប៉ូលីស២នាក់ស្លាប់។
រដ្ឋាភិបាលអ៊ីរ៉ង់ក៏បានចោទប្រកាន់ថា ការតវ៉ាទូទាំងប្រទេសកាលពីដើមឆ្នាំ មានការចូលរួមពីសត្រូវបរទេស ដូចជា Israel និង United States ទោះបីមិនមានភស្តុតាងច្បាស់លាស់ត្រូវបានបង្ហាញជាសាធារណៈក៏ដោយ៕