រដ្ឋមន្ត្រីសង្គ្រាមសហរដ្ឋអាមេរិក លោក Pete Hegseth នៅថ្ងៃទី១៩.០៣.២០២៦ បាននិយាយថា
ប្រទេសរបស់លោក នឹងចាប់ផ្តើម «កញ្ចប់វាយប្រហារដ៏ធំបំផុត»លើអ៊ីរ៉ង់នៅថ្ងៃព្រហស្បតិ៍ ដែលជាផ្នែកមួយនៃប្រតិបត្តិការដែលកំពុងដំណើរការ ដែលបានចាប់ផ្តើម កាលពីខែមុន។
សារព័ត៌មានAnadolu។
លោក Hegseth បានលើកឡើងថា «ថ្ងៃនេះ យើងបានវាយប្រហារគោលដៅជាង៧.០០០ កន្លែងនៅទូទាំងអ៊ីរ៉ង់ និងហេដ្ឋារចនាសម្ព័ន្ធយោធារបស់អ៊ីរ៉ង់ ថ្ងៃនេះនឹងក្លាយជាកញ្ចប់វាយប្រហារដ៏ធំបំផុត»។
លោក Hegseth បាននិយាយថា គោលបំណងរបស់សហរដ្ឋអាមេរិកនៅតែ «មិនផ្លាស់ប្តូរ» ពោលគឺបំផ្លាញមីស៊ីល ជើងទម្របាញ់ និងមូលដ្ឋានឧស្សាហកម្មការពារជាតិរបស់អ៊ីរ៉ង់ និងកងទ័ពជើងទឹករបស់ពួកគេ។
លោក ក៏បានបដិសេធមិនកំណត់ «ពេលវេលាកំណត់» លើការបញ្ចប់ប្រតិបត្តិការប្រឆាំងនឹងអ៊ីរ៉ង់ ដោយនិយាយថា«ប៉ុន្តែយើងពិតជាស្របតាមផែនការ»។
សហរដ្ឋអាមេរិក និងអ៊ីស្រាអែលបានបន្តការវាយលុករួមគ្នាលើអ៊ីរ៉ង់ចាប់តាំងពីថ្ងៃទី ២៨ ខែកុម្ភៈ ដោយបានសម្លាប់មនុស្សជាង ១.៣០០នាក់ រួមទាំងមេដឹកនាំកំពូល Ali Khamenei ផងដែរ៕