ការស្ទង់មតិថ្មីមួយបង្ហាញថា អ្នកបោះឆ្នោតអាមេរិកភាគច្រើនមិនគាំទ្រសង្គ្រាមប្រឆាំងនឹងអ៊ីរ៉ង់ទេ ហើយជឿថាសង្គ្រាមនេះផ្តល់អត្ថប្រយោជន៍ដល់អ៊ីស្រាអែលច្រើនជាងសហរដ្ឋអាមេរិក។ ប្រហែល ៥៦% និយាយថាអ៊ីស្រាអែលទទួលបានអត្ថប្រយោជន៍ច្រើនជាងខណៈតែ ២៩% ប៉ុណ្ណោះគិតថាសហរដ្ឋអាមេរិកទទួលផល។
ប្រភពពីសារព័ត៌មានAnadolu Agency នៅថ្ងៃទី២០ខែមីនា។
ជាមួយគ្នានេះ ៥៣% នៃអ្នកឆ្លើយតបបានបង្ហាញការមិនពេញចិត្តចំពោះការវាយប្រហាររបស់សហរដ្ឋអាមេរិកលើអ៊ីរ៉ង់ ខណៈ ៤៣% គាំទ្រ។ ក៏មាន ៥១% គាំទ្រឱ្យសភាអនុម័តវិធានការកំណត់អំណាចរបស់ប្រធានាធិបតី ដើម្បីទប់ស្កាត់សកម្មភាពយោធាបន្ថែម។
ស្ថានការណ៍សង្គ្រាមបានធ្វើឱ្យភាពតានតឹងនៅមជ្ឈិមបូព៌ាកើនឡើង និងរំខានដល់ការដឹកជញ្ជូនប្រេងតាមច្រកសមុទ្រ Hormuz បណ្តាលឱ្យតម្លៃថាមពលសកលកើនឡើង និងបង្កការព្រួយបារម្ភអំពីសង្គ្រាមធំក្នុងតំបន់៕