យោធាអ៊ីស្រាអែល ប្រកាសថាខ្លួនបានបើកការវាយប្រហារតាមអាកាសលើជំរំកងទ័ពនៅភាគខាងត្បូងរបស់ប្រទេសស៊ីរី។
ប្រភពពីសារព័ត៌មានAl Jazeera នៅថ្ងៃទី២០ខែមីនា។
តាមការបញ្ជាក់របស់យោធា អ៊ីស្រាអែលបានអះអាងថា ការវាយប្រហារនេះមានគោលបំណងការពារជនស៊ីវិល Druze បន្ទាប់ពីមានហិង្សាកើតឡើងនៅថ្ងៃមុន ដែលបណ្តាលឲ្យមានការភ័យខ្លាចក្នុងចំណោមប្រជាជនក្នុងតំបន់។
មុននេះ អង្គការសង្កេតការណ៍សិទ្ធិមនុស្សស៊ីរីបានរាយការណ៍ថា មានការប្រយុទ្ធគ្នារវាងកងកម្លាំងរដ្ឋាភិបាល និងក្រុមប្រយុទ្ធមូលដ្ឋានប្រឆាំងនឹងក្រុម Druze នៅជនបទភាគខាងលិចនៃ Suwayda។ ការប៉ះទង្គិចបានចាប់ផ្តើមក្រោយពេលគ្រាប់កាំភ្លើងត្បាល់ធ្លាក់លើតំបន់ដែលគ្រប់គ្រងដោយ Druze ហើយបន្តទៅជាការបាញ់ផ្លោងលើតំបន់លំនៅដ្ឋាន។
យ៉ាងណាមិញ សារព័ត៌មានរដ្ឋស៊ីរីមិនទាន់ទទួលស្គាល់ទាំងការប្រយុទ្ធគ្នា និងការវាយប្រហារពីអ៊ីស្រាអែលឡើយ៕