ក្រសួងការពារជាតិតួកគី បញ្ជាក់ថាមនុស្ស៧នាក់បានស្លាប់ ក្នុងគ្រោះថ្នាក់ឧទ្ធម្ភាគចក្រនៅប្រទេសកាតា ដែលកើតឡើងក្នុងអំឡុងសកម្មភាពហ្វឹកហាត់រួមគ្នា។
ប្រភពពីសារព័ត៌មានAnadolu Agencyនៅថ្ងៃទី២២ខែមីនា។
ក្រសួងបានបញ្ជាក់ថា ឧទ្ធម្ភាគចក្រនេះ ជាកម្មសិទ្ធិរបស់កាតា និងបានធ្លាក់ចូលសមុទ្រ ដោយសារតែបញ្ហាបច្ចេកទេស។ ប្រតិបត្តិការស្វែងរក និងជួយសង្គ្រោះបានចាប់ផ្តើម និងសាកសពរបស់ទុក្ករបុគ្គលបានត្រូវផ្ទេរទៅដល់ក្រុមគ្រួសារ។
ក្រសួងបានបញ្ជាក់ថា ប្រតិបត្តិការសហការ និងសម្របសម្រួលយោធារវាងទួរគី និងកាតា ត្រូវបានបន្តដោយគ្មានការរំខាន ហើយមូលហេតុពិតប្រាកដនៃការធ្លាក់យន្តហោះនឹងត្រូវកំណត់បន្ទាប់ពីការស៊ើបអង្កេតរួច៕