នៅថ្ងៃទី23 ខែមីនា ឆ្នាំ2026 តម្លៃប្រេងពិភពលោកបានកើនឡើងយ៉ាងខ្លាំង ខណៈភាពតានតឹងនយោបាយ និងយោធានៅតំបន់មជ្ឈិមបូព៌ាបន្តកើនឡើង។
ប្រេងឆៅអាមេរិក (WTI) បានកើនឡើងប្រហែល 3% ខណៈប្រេង Brent ក៏ឡើងដល់ជាង113 ដុល្លារក្នុងមួយបារ៉ែល។
ប្រភពពីសារព័ត៌មាន Reuter។
ការកើនឡើងនេះ កើតឡើងបន្ទាប់ពីអ៊ីរ៉ង់គំរាមវាយប្រហារហេដ្ឋារចនាសម្ព័ន្ធថាមពលរបស់អ៊ីស្រាអែល និងមូលដ្ឋានយោធាសហរដ្ឋអាមេរិកនៅតំបន់ឈូងសមុទ្រ ប្រសិនបើមានការវាយប្រហារលើវិស័យអគ្គិសនីរបស់ខ្លួន។
សេចក្តីព្រមាននេះបានបង្កភាពភ័យខ្លាចអំពីការរំខានដល់ការផ្គត់ផ្គង់ប្រេងសកល។
នៅពេលដូចគ្នា Donald Trump បានផ្តល់ឱសានវាទ 48 ម៉ោងឲ្យអ៊ីរ៉ង់ បើកច្រកសមុទ្រ Hormuz ឡើងវិញ បើមិនដូច្នោះទេ នឹងមានការវាយប្រហារលើរោងចក្រថាមពលរបស់អ៊ីរ៉ង់។
អ្នកជំនាញថាមពលបានព្រមានថា វិបត្តិនេះអាចក្លាយជាបញ្ហាធ្ងន់ធ្ងរ សម្រាប់ទីផ្សារថាមពលពិភពលោក ប្រសិនបើការផ្គត់ផ្គង់ពីតំបន់មជ្ឈិមបូព៌ាត្រូវបានរំខានយូរអង្វែង៕