ការអះអាងរបស់លោក Donald Trump ថាសហរដ្ឋអាមេរិកកំពុងការចរចាជាមួយអ៊ីរ៉ង់ បានបង្កភាពភាន់ច្រឡំ និងខកចិត្តយ៉ាងខ្លាំងនៅអ៊ីស្រាអែល។
ព្រោះមុននេះ លោកបានគំរាមវាយប្រហារលើហេដ្ឋារចនាសម្ព័ន្ធថាមពលរបស់អ៊ីរ៉ង់ ប៉ុន្តែបន្ទាប់មកវិញ បានប្ដូរទិសទៅ រកការចរចាដោយមិនបានរំពឹងទុក។
ប្រភពពីសារព័ត៌មានAl Jazeera នៅថ្ងៃទី២៤ខែមីនា។
អ្នកវិភាគអ៊ីស្រាអែលមើលថា ការផ្លាស់ប្តូរនយោបាយនេះធ្វើឲ្យអ៊ីស្រាអែលស្ថិតក្នុងស្ថានភាពមិនច្បាស់លាស់ ព្រោះ Benjamin Netanyahu តែងតែបង្ហាញថាប្រទេសរបស់ខ្លួនជាខ្សែមុខក្នុងការប្រយុទ្ធប្រឆាំងអ៊ីរ៉ង់ ហើយបានជំរុញឲ្យអាមេរិកចូលរួមផងដែរ។
ទោះយ៉ាងណា ខណៈដែលអាមេរិកនិយាយអំពីការចរចា អ៊ីរ៉ង់វិញបានបដិសេធថាមិនមានការចរចាណាមួយកំពុងកើតឡើងឡើយ។
ស្ថានភាពនេះបង្កឲ្យមានសំណួរថា តើអ៊ីស្រាអែលនឹងមានតួនាទីយ៉ាងដូចម្តេច ប្រសិនបើអាមេរិកប្ដូរទិសពីសង្គ្រាមទៅរកដំណោះស្រាយតាមការទូត៕