មន្ត្រីអ៊ីរ៉ង់ ដែលប្រចាំអង្គការសហប្រជាជាតិបានប្រកាសថា នាវាដែលមិនពាក់ព័ន្ធ នឹងការឈ្លានពានប្រឆាំងអ៊ីរ៉ង់។
គឺអាចឆ្លងកាត់ច្រកសមុទ្រ Hormuz បានយ៉ាងសុវត្ថិភាព ប្រសិនបើគោរពបទប្បញ្ញត្តិសុវត្ថិភាព និងសន្តិសុខដែលបានប្រកាស និងសម្របសម្រួលជាមួយអាជ្ញាធរអ៊ីរ៉ង់ ដែលមានសមត្ថភាព។
ប្រភពពីសារព័ត៌មាន Anadolu Agency នៅថ្ងៃទី២៥ ខែមីនា។
សេចក្តីថ្លែងការណ៍នេះ បានកើតឡើងបន្ទាប់ពីភាពតានតឹងនៅមជ្ឈិមបូព៌ាចាប់តាំងពីការវាយប្រហាររួមរបស់សហរដ្ឋអាមេរិក និងអ៊ីស្រាអែលលើអ៊ីរ៉ង់ នៅថ្ងៃទី 28 ខែកុម្ភៈ ដែលបានសម្លាប់មនុស្សជាង 1,340 នាក់ រួមទាំងមេដឹកនាំកំពូល Ayatollah Ali Khamenei៕