កងកម្លាំងប្រដាប់អាវុធ នៃប្រទេសកូឡុំប៊ី បានប្រកាសថា មនុស្សចំនួន៦៩នាក់បានស្លាប់ និង៥៧នាក់ផ្សេងទៀតរងរបួស។
បន្ទាប់ពីយន្តហោះយោធាមួយគ្រឿងបានធ្លាក់ភ្លាមៗក្រោយពេលហោះឡើង។
ប្រភពពីសារព័ត៌មានReuter នៅថ្ងៃទី២៥ខែមីនា។
យន្តហោះប្រភេទ Lockheed Martin C-130 Hercules ដែលដឹកមនុស្សសរុប ១២៦នាក់ បានធ្លាក់នៅតំបន់ Puerto Leguizamo ជិតព្រំដែនប្រទេសប៉េរូ។
អ្នករងរបួសត្រូវបានបញ្ជូនទៅមន្ទីរពេទ្យ ខណៈសាកសពជនរងគ្រោះកំពុងត្រូវកំណត់អត្តសញ្ញាណមុនប្រគល់ជូនក្រុមគ្រួសារ។
មូលហេតុនៃគ្រោះថ្នាក់នេះនៅតែមិនទាន់ដឹងច្បាស់ ហើយកំពុងស្ថិតក្រោមការស៊ើបអង្កេត៕