ប្រព័ន្ធផ្សព្វផ្សាយអ៊ីស្រាអែល រាយការណ៍ថាលោកDonald Trump អាចនឹងពិចារណាកាន់កាប់កោះ Kharg ដែលជាមជ្ឈមណ្ឌលសំខាន់សម្រាប់នាំចេញប្រេងរបស់ អ៊ីរ៉ង់ ប្រសិនបើការចរចារវាងភាគីទាំងពីរបរាជ័យ។
ប្រភពពីសារព័ត៌មានAnadolu Agency នៅថ្ងៃទី២៦ខែមីនា។
តាមកាសែត Yedioth Ahronoth ដោយយោងប្រភពមិនបញ្ចេញឈ្មោះ បានអះអាងថា លោក Trump ចង់បញ្ចប់សង្គ្រាម ប៉ុន្តែបើមិនអាចសម្រេចបានតាមផ្លូវការទូត នឹងអាចយកវិធានការយោធាដើម្បីគ្រប់គ្រងកោះ Kharg ខណៈការរៀបចំសម្រាប់សេណារីយ៉ូនេះកំពុងដំណើរការ។
សូមបញ្ជាក់ថា៖ កោះKharg ស្ថិតនៅក្នុងឈូងសមុទ្រពែរ្ស ហើយមានតួនាទីសំខាន់ក្នុងសេដ្ឋកិច្ចអ៊ីរ៉ង់ ដោយសារជាគន្លងនាំចេញប្រេងសំខាន់បំផុតរបស់ប្រទេស៕