យោធាអ៊ីស្រាអែល បានបញ្ជាក់ថា ខ្លួនបានវាយប្រហារលើ រោងចក្រកែច្នៃអ៊ុយរ៉ាញ៉ូម១កន្លែង នៅក្នុងទីក្រុងយ៉ាសដ៍ ភាគកណ្តាលអ៊ីរ៉ង់ គឺជាចលនាដ៏ខ្លាំងក្លាមួយដែលកើតឡើង ។
ខណៈដែលក្រុមអ្នកការទូត ក្នុងតំបន់បានព្យាយាមសម្របសម្រួល កិច្ចព្រមព្រៀងមួយ ដើម្បីបញ្ឈប់សង្គ្រាមរួមគ្នារវាងសហរដ្ឋអាមេរិក និងអ៊ីស្រាអែល លើអ៊ីរ៉ង់។
សារព័ត៌មានAl Jazeera នៅថ្ងៃទី២៨.០៣.២០២៦។
កងទ័ពអាកាសអ៊ីស្រាអែល បាននិយាយថា ខ្លួនបានវាយប្រហាររោងចក្រមួយ ដែលប្រើសម្រាប់ទាញយកវត្ថុធាតុដើមសំខាន់ៗ សម្រាប់ដំណើរការចម្រាញ់អ៊ុយរ៉ាញ៉ូម ដោយពណ៌នាថាវាជា “រោងចក្រពិសេស” នៅក្នុងហេដ្ឋារចនាសម្ព័ន្ធនុយក្លេអ៊ែររបស់អ៊ីរ៉ង់។
អង្គការថាមពលអាតូមិក របស់អ៊ីរ៉ង់ បានបញ្ជាក់ពីការវាយប្រហារនេះ ប៉ុន្តែបាននិយាយថា មិនមានអ្នកស្លាប់ ឬការលេចធ្លាយវិទ្យុសកម្មទេ។
ថ្ងៃសុក្រ គឺជាថ្ងៃទី២៨ នៃជម្លោះ ហើយការវាយប្រហារ ដោយកងទ័ពអ៊ីស្រាអែល គឺជាផ្នែកមួយនៃរលកវាយប្រហារយ៉ាងទូលំទូលាយ លើទីតាំងនានាទូទាំងប្រទេស។
រោងចក្រផលិតទឹកធ្ងន់ Khondab នៅកណ្តាលអ៊ីរ៉ង់ ត្រូវបានវាយប្រហារ ក៏ដូចជារោងចក្រដែកថែបធំៗពីរគឺរោងចក្រដែកថែប Khuzestan និងរោងចក្រដែកថែប Mobarakeh នៅ Isfahan។
រដ្ឋមន្ត្រីការបរទេស Abbas Araghchi បាននិយាយថា អ៊ីរ៉ង់នឹង “កំណត់តម្លៃខ្ពស់”សម្រាប់ការវាយប្រហាររបស់អ៊ីស្រាអែលលើទីតាំងហេដ្ឋារចនាសម្ព័ន្ធសំខាន់ៗជាច្រើន។
លោក Araghchi បាននិយាយនៅក្នុងការបង្ហោះមួយនៅលើ X ថា “អ៊ីស្រាអែល បានវាយប្រហាររោងចក្រដែកថែបធំជាងគេចំនួន 2 របស់អ៊ីរ៉ង់ រោងចក្រថាមពលមួយ និងទីតាំងនុយក្លេអ៊ែរស៊ីវិល ក្នុងចំណោមហេដ្ឋារចនាសម្ព័ន្ធផ្សេងទៀត៕