អ្នកតាំងលំនៅអ៊ីស្រាអែល បានវាយប្រហារសហគមន៍បេឌូអ៊ីនមួយនៅភាគខាងត្បូងទីក្រុងនេះ ក្នុងតំបន់ West Bank ដោយវាយប្រហារអ្នកស្រុក និងលួចសត្វពាហនៈ។
ប្រភពពីសារព័ត៌មានAnadolu Agency នៅថ្ងៃទី២៨ខែមីនា។
ការវាយប្រហារបានកើតឡើងនៅតំបន់ Wadi Al-Awar ដែលអ្នកតាំងលំនៅបានចូលវាយប្រហារផ្ទះសម្បែង និងទ្រព្យសម្បត្តិ ព្រមទាំងយកសត្វចិញ្ចឹមរបស់ប្រជាពលរដ្ឋ។ វីដេអូឃ្លាំមើលក៏បង្ហាញពីសកម្មភាពហិង្សានេះផងដែរ។
អំពើហិង្សារបស់អ្នកតាំងលំនៅនៅវេសប៊ែងបានកើនឡើងខ្លាំងក្នុងពេលចុងក្រោយ ដោយមានជនជាតិប៉ាឡេស្ទីនជាច្រើនត្រូវបានសម្លាប់ និងរងរបួស។ អង្គការសិទ្ធិមនុស្សបានព្រមានថា ការវាយប្រហារទាំងនេះមានគោលបំណងបណ្តេញប្រជាជនប៉ាឡេស្ទីនចេញពីដីធ្លីរបស់ពួកគេ៕