សាស្ត្រាចារ្យម្នាក់នៅAnna University ត្រូវបានប៉ូលីសចាប់ខ្លួន បន្ទាប់ពីមានការចោទប្រកាន់ពីនិស្សិតស្រីម្នាក់ថា បានយាយីផ្លូវភេទ និងតាមដាននាងអស់រយៈពេលជាច្រើនឆ្នាំ។
ប្រភពពីសារព័ត៌មានIndia Today នៅថ្ងៃទី២៨ខែមីនា។
និស្សិតបានអះអាងថា សាស្ត្រាចារ្យ A Gnavel Babu បានធ្វើសកម្មភាពមិនសមរម្យ ដូចជា ការហៅទូរស័ព្ទជាញឹកញាប់ ផ្ញើសារអាសអាភាស និងនិយាយអំពីសម្លៀកបំពាក់ខាងក្នុង និងវដ្តរដូវរបស់នាង។ ករណីនេះបានចាប់ផ្តើមនៅពេលនាងរៀនឆ្នាំទី២ ខណៈសាស្ត្រាចារ្យបានសន្យាជួយរកកម្មសិក្សា។
និស្សិតបានដាក់ពាក្យបណ្តឹងនៅការិយាល័យស្នងការប៉ូលីស ហើយករណីនេះបានបង្កការព្រួយបារម្ភអំពីសុវត្ថិភាព និងប្រព័ន្ធដោះស្រាយបណ្តឹងនៅសាកលវិទ្យាល័យ៕