អង្គការសហប្រជាជាតិ បានប្រកាសបង្កើតក្រុមការងារពិសេសមួយ ដើម្បីដោះស្រាយបញ្ហាមនុស្សធម៌ និងការរាំងស្ទះពាណិជ្ជកម្ម ដែលបណ្តាលមកពីការបិទច្រកសមុទ្រHormuz។
ប្រភពពីសារព័ត៌មានBloomberg នៅថ្ងៃទី២៨ខែមីនា។
ក្រុមការងារថ្មីនេះនឹងដឹកនាំដោយ Jorge Moreira da Silva ហើយមានគោលបំណងសម្រួលដល់ចលនាពាណិជ្ជកម្មសំខាន់ៗ ដូចជា ជី និងវត្ថុធាតុដើម ដែលរងផលប៉ះពាល់ពីការរាំងស្ទះនាវាដឹកទំនិញ។
អគ្គលេខាធិការ António Guterres បានបង្កើតយន្តការនេះ ដើម្បីផ្តល់ដំណោះស្រាយបច្ចេកទេសសម្រាប់បំពេញតម្រូវការមនុស្សធម៌ ខណៈចរាចរណ៍នាវាដឹកប្រេងត្រូវបានផ្អាក។
វិបត្តិនេះកើតឡើងនៅពេលភាពតានតឹងកើនឡើងក្នុងសង្គ្រាមដែលពាក់ព័ន្ធនឹងសហរដ្ឋអាមេរិក អ៊ីស្រាអែល និង Iran ដែលបានបង្កការគំរាមកំហែងដល់សន្តិសុខដឹកជញ្ជូនសកល៕