ប៉ាគីស្ថាន ប្រកាសថាខ្លួនបានសម្រេចកិច្ចព្រមព្រៀងជាមួយ អ៊ីរ៉ង់ ដើម្បីអនុញ្ញាតឱ្យនាវាដែលមានទង់ជាតិប៉ាគីស្ថានចំនួន ២០គ្រឿងឆ្លងកាត់ច្រកសមុទ្រ Hormuz ដែលជាចំណុចសំខាន់សម្រាប់ដឹកជញ្ជូនប្រេងពិភពលោក។
ប្រភពពីសារព័ត៌មានAl Jazeera នៅថ្ងៃទី២៩ខែមីនា។
រដ្ឋមន្ត្រីការបរទេសប៉ាគីស្ថាន Ishaq Dar បានបញ្ជាក់ថា នាវា២គ្រឿងនឹងឆ្លងកាត់រៀងរាល់ថ្ងៃ ហើយបានពិពណ៌នាការសម្រេចចិត្តនេះថា ជាសញ្ញានៃសន្តិភាពនិងជាជំហានសំខាន់ក្នុងការបន្ធូរបន្ថយវិបត្តិថាមពល។
កិច្ចព្រមព្រៀងនេះកើតឡើងបន្ទាប់ពីការខិតខំប្រឹងប្រែងផ្នែកការទូតរបស់ទីក្រុងអ៊ីស្លាម៉ាបាដ ខណៈពិភពលោកកំពុងព្រួយបារម្ភពីផលប៉ះពាល់នៃសង្គ្រាមក្នុងតំបន់។ ប៉ាគីស្ថានក៏បានសង្កត់ធ្ងន់ថា វាអាចជាជំហានដំបូងនៃការបន្ធូរភាពតានតឹងធំជាងនេះផងដែរ៕