មេដឹកនាំកូរ៉េខាងជើង លោកKim Jong Un បានដឹកនាំការត្រួតពិនិត្យការសាកល្បងម៉ាស៊ីនរ៉ុក្កែតឥន្ធនៈរឹង និងសម្ភារៈយោធាថ្មីៗ ខណៈដែលកូរ៉េខាងជើង បន្តបង្កើនសមត្ថភាពការពារនិងវាយប្រហារ។
ប្រភពពីសារព៏ត៌មានReuter នៅថ្ងៃទី២៩ខែមីនា។
យោងតាមប្រព័ន្ធផ្សព្វផ្សាយរដ្ឋ KCNA លោកគីមបានចូលរួមសាកល្បងម៉ាស៊ីនរ៉ុក្កែតដែលផលិតពីសរសៃកាបូន មានកម្លាំងរុញច្រានខ្ពស់ដល់ប្រហែល 2,500 គីឡូញូតុន។ ម៉ាស៊ីនប្រភេទនេះអាចជួយបង្កើនសមត្ថភាពបាញ់មីស៊ីលឲ្យលឿន និងមានប្រសិទ្ធភាពខ្ពស់ជាងមុន។
ក្រៅពីនេះ លោកក៏បានត្រួតពិនិត្យការហ្វឹកហាត់កងកម្លាំងប្រតិបត្តិការពិសេស និងរថក្រោះប្រយុទ្ធសំខាន់ថ្មី ដែលបង្ហាញពីការធ្វើទំនើបកម្មយោធាបន្តរបស់ទីក្រុងព្យុងយ៉ាង។ ក្នុងការត្រួតពិនិត្យនេះ កូនស្រីរបស់លោក Kim Ju Ae ក៏បានអមដំណើរផងដែរ៕