រុស្ស៊ី បានអំពាវនាវឱ្យមានការស៊ើបអង្កេតអន្តរជាតិលើការ វាយប្រហារតាមអាកាសរបស់អ៊ីស្រាអែល ដែលបានសម្លាប់អ្នកកាសែត៣នាក់ នៅភាគខាងត្បូងលីបង់។
ប្រភពពីសារព័ត៌មានAnadolu Agency នៅថ្ងៃទី២៩ខែមីនា។
ក្រសួងការបរទេសរុស្ស៊ីបានចោទថា ការវាយប្រហារនេះមានគោលដៅច្បាស់លាស់លើរថយន្តស៊ីវិលមួយ ដែលដឹកបុគ្គលិកសារព័ត៌មានកំពុងធ្វើដំណើរទៅបំពេញការងារ ទោះបីពួកគេពាក់ស្លាកសញ្ញាសារព័ត៌មានយ៉ាងច្បាស់ក៏ដោយ។
អ្នកកាសែតដែលត្រូវបានសម្លាប់រួមមាន Ali Shuaib, Fatima Fetuni និងអ្នកថតរូប Mohammed Fetuni។ រុស្ស៊ីបានពិពណ៌នាហេតុការណ៍នេះថាជាឃាតកម្មហើយទាមទារឱ្យនាំអ្នកទទួលខុសត្រូវមកកាត់ទោស៕