ប្រធានាធិបតីសហរដ្ឋអាមេរិក Donald Trump បាននិយាយថាអ៊ីរ៉ង់ កំពុងបញ្ជូននាវាដឹកប្រេងចំនួន២០គ្រឿងទៅកាន់អាមេរិកតាមច្រកសមុទ្រHormuz។
ប្រភពពីសារព័ត៌មានAnadolu Agency នៅថ្ងៃទី៣០ខែមីនា។
ថ្លែងទៅកាន់អ្នកសារព័ត៌មានលើយន្តហោះ Air Force One លោក Trump បានបញ្ជាក់ថា នាវាដឹកប្រេងធំៗទាំងនោះនឹងចាប់ផ្តើមឆ្លងកាត់ច្រកសមុទ្រនេះចាប់ពីព្រឹកថ្ងៃច័ន្ទតទៅ។ លោកបានបន្ថែមថា ការចរចាររវាងសហរដ្ឋអាមេរិក និងអ៊ីរ៉ង់កំពុងដំណើរការល្អ ហើយមានសញ្ញាថាអាចឈានដល់កិច្ចព្រមព្រៀងមួយក្នុងពេលឆាប់ៗនេះ។
យ៉ាងណាក៏ដោយ លោក Trump ក៏បានទទួលស្គាល់ថា ទោះបីជាមានសញ្ញាវិជ្ជមានក៏ដោយ កិច្ចព្រមព្រៀងអាចនឹងមិនកើតឡើងផងដែរ ប្រសិនបើការចរចារមិនអាចឈានដល់ការយល់ព្រមចុងក្រោយបាន៕