នៅទីក្រុងវ៉ាទីកង់ សម្តេចប៉ាប Pope Leo បានចេញសារថ្កោលទោសយ៉ាងខ្លាំងចំពោះសង្គ្រាមអ៊ីរ៉ង់។ ការថ្លែងនេះធ្វើឡើងនៅក្នុងពិធីបុណ្យ Palm Sunday ដែលជាការចាប់ផ្តើមសប្តាហ៍បរិសុទ្ធមុនពេលបុណ្យ Easter។
ប្រភពពីសារព័ត៌មានNews york post នៅថ្ងៃទី៣០ខែមីនា។
ក្នុងសុន្ទរកថារបស់ព្រះអង្គនៅទីលាន St. Peter’s Square ចំពោះមនុស្សរាប់ម៉ឺននាក់ សម្តេចប៉ាបបានបញ្ជាក់ថា ព្រះយេស៊ូវគឺជាស្តេចនៃសន្តិភាព ហើយគ្មាននរណាអាចយកសាសនាដើម្បីធ្វើជាហេតុផលគាំទ្រសង្គ្រាមបានឡើយ។
ព្រះអង្គបានអំពាវនាវឱ្យភាគីពាក់ព័ន្ធបញ្ឈប់អំពើហិង្សា និងស្វែងរកដំណោះស្រាយដោយសន្តិវិធី ខណៈសង្គ្រាមនៅតំបន់មជ្ឈិមបូព៌ាកំពុងបន្ត និងបង្កការព្រួយបារម្ភយ៉ាងខ្លាំងនៅទូទាំងពិភពលោក៕