រដ្ឋមន្ត្រីការបរទេសអ៊ីរ៉ង់ បាននិយាយនៅថ្ងៃពុធទី០៨.០៤.២០២៦ថា អ៊ីរ៉ង់បានយល់ព្រមអនុញ្ញាតឱ្យ(នាវា)ឆ្លងកាត់ច្រកសមុទ្រ Hormuz រយៈពេល២សប្តាហ៍!។
ការអនុញ្ញាតនេះ ក្នុងគោលបំណងបន្ធូរបន្ថយភាពតានតឹង ដើម្បីចរចាបញ្ចប់សង្គ្រាម ជាមួយអាមេរិកនិងអ៊ីស្រាអែល នៅទីក្រុងអ៊ីស្លាម៉ាបាដ។
សារព័ត៌មានRoya news នៅថ្ងៃទី០៨.០៤.២០២៦។
រដ្ឋមន្ត្រីការបរទេសអ៊ីរ៉ង់ លោក Abbas Araghchi បានបង្ហោះនៅលើX ថា “សម្រាប់រយៈពេល២សប្តាហ៍ ការឆ្លងកាត់ដោយសុវត្ថិភាព តាមរយៈច្រកសមុទ្រ Hormuz នឹងអាចធ្វើទៅបានតាមរយៈការសម្របសម្រួលជាមួយកងកម្លាំងប្រដាប់អាវុធអ៊ីរ៉ង់ និងដោយមានការពិចារណា ត្រឹមត្រូវអំពីដែនកំណត់បច្ចេកទេស”។
ក្រុមប្រឹក្សាសន្តិសុខជាតិជាន់ខ្ពស់ របស់សាធារណរដ្ឋអ៊ីស្លាម បាននិយាយនៅក្នុងសេចក្តីថ្លែងការណ៍ដាច់ដោយឡែកមួយថា ការចរចាត្រូវបានកំណត់ឱ្យមានរយៈពេល២សប្តាហ៍ ប៉ុន្តែអាចត្រូវបាន“ពង្រីកដោយការព្រមព្រៀងគ្នារវាងភាគីទាំងពីរ”៕