ចារកម្មរបស់អាមេរិក បានវាយតម្លៃថាចិនកំពុងរៀបចំដឹកជញ្ជូនប្រព័ន្ធការពារដែនអាកាសទៅកាន់អ៊ីរ៉ង់ក្នុងប៉ុន្មានសប្តាហ៍ខាងមុខនេះ។ ប្រព័ន្ធដែលត្រូវរាយការណ៍ថាកំពុងត្រៀមផ្ទេរនោះ គឺប្រព័ន្ធមីស៊ីលការពារដែនអាកាសបាញ់ដោយស្មា (portable air-defense systems)។
ប្រភពពីសារព័ត៌មានIran International នៅថ្ងៃទី១១ខែមេសា។
តាមប្រភពដែលបានវាយតម្លៃពីចារកម្មអាមេរិក ការដឹកជញ្ជូនអាវុធអាចត្រូវបានបញ្ជូនតាមរយៈប្រទេសទីបី ដើម្បីលាក់បាំងប្រភពដើមពីប្រទេសចិន។
យ៉ាងណាក៏ដោយ ស្ថានទូត China ប្រចាំទីក្រុង Washington, D.C. បានបដិសេធព័ត៌មាននេះ ដោយបញ្ជាក់ថា ចិនមិនដែលផ្តល់អាវុធដល់ភាគីណាមួយនៅក្នុងជម្លោះនោះឡើយ ហើយបានហៅរបាយការណ៍នេះថា «មិនពិត»៕