ក្រសួងសុខាភិបាលលីបង់ បានបង្ហាញថា ចំនួនជនជាតិលីបង់ ដែលស្លាប់ដោយសារ ការវាយប្រហាររបស់អ៊ីស្រាអែល ចាប់តាំងពីថ្ងៃទី០២.០៣.២០២៦ រហូតដល់ថ្ងៃទី១១.០៤.២០២៦ បានកើនដល់ជាង២.០០០នាក់ហើយ។
សារព័ត៌មានAnadolu។
ក្នុងរបាយការណ៍ដែលផ្សាយដោយ Anadolu, ក្នុងរយៈពេល៤១ថ្ងៃ អ៊ីស្រាអែល សម្លាប់មនុស្សនៅលីបង់ចំនួន២.០២០នាក់ ក្នុងនោះមនុស្ស៩៧នាក់ ត្រូវបានសម្លាប់ត្រឹមរយៈពេល២៤ម៉ោងចុងក្រោយ។
ក្នុងចំណោមមនុស្សស្លាប់នោះ គឺរួមមានកុមារ១៦៥នាក់និងស្រ្តី២៤៨នាក់។
ក្រៅពីមនុស្សស្លាប់ នៅមានមនុស្ស៦ ៤៣៦នាក់របួស ក្នុងនោះមានកុមាររបួស៦៤១នាក់និងស្រ្តីរបួស ១ ១០៧នាក់។
ត្រឹមមួយថ្ងៃពុធប៉ុណ្ណោះ មានមនុស្សរហូតដល់ទៅ៣០៣នាក់ ត្រូវសម្លាប់និង ១.១៥០នាក់ រងរបួសក្នុងការវាយប្រហាររបស់អ៊ីស្រាអែល ខណៈក្នុងចំណោមមនុស្សស្លាប់ទាំងអស់នោះ ក៏បូករួមទាំងស្រ្តី៧១នាក់ កុមារ៣០នាក់ និងមនុស្សចាស់៩នាក់៕