អនុប្រធានាធិបតីសហរដ្ឋអាមេរិក JD Vance បាននិយាយនៅថ្ងៃអង្គារទី១៤.០៤.២០២៦ថា មានការមិនទុកចិត្តគ្នាជាច្រើនរវាងទីក្រុងវ៉ាស៊ីនតោន និងទីក្រុងតេអេរ៉ង់ ដែលមិនអាចដោះស្រាយបាន ក្នុងកិច្ចចរចាមួយយប់ ។
ប៉ុន្តែលោកបានបន្ថែមថា អ្នកចរចាអ៊ីរ៉ង់ចង់ធ្វើកិច្ចព្រមព្រៀងមួយ ហើយលោកមានអារម្មណ៍ថា “ល្អណាស់ចំពោះកន្លែងដែលយើងនៅ”។
សារព័ត៌មាន(រ៉យទ័រ)។
ប្រធានាធិបតី Donald Trump បាននិយាយកាលពីថ្ងៃអង្គារថា ការចរចាដើម្បីបញ្ចប់សង្គ្រាមអ៊ីរ៉ង់ អាចបន្តឡើងវិញនៅក្នុងប្រទេសប៉ាគីស្ថានក្នុងរយៈពេលពីរថ្ងៃខាងមុខ ។
បន្ទាប់ពីការបរាជ័យ នៃការចរចាចុងសប្តាហ៍បានជំរុញឱ្យទីក្រុងវ៉ាស៊ីនតោន បិទផ្លូវកំពង់ផែអ៊ីរ៉ង់។
បទឈប់បាញ់រយៈពេលពីរសប្តាហ៍ ដ៏ផុយស្រួយរវាងសហរដ្ឋអាមេរិក និងអ៊ីរ៉ង់ មានរយៈពេលមួយសប្តាហ៍ទៀតប៉ុណ្ណោះ។
លោក Vance បានចូលរួមក្នុងកិច្ចចរចា កាលពីចុងសប្តាហ៍មុននៅក្នុងប្រទេសប៉ាគីស្ថាន។
លោក Vance បាននិយាយក្នុងអំឡុងពេលព្រឹត្តិការណ៍ Turning Point USA ថា”ជាការពិតណាស់ មានការមិនទុកចិត្តគ្នាជាច្រើនរវាងអ៊ីរ៉ង់ និងសហរដ្ឋអាមេរិក អ្នកនឹងមិនអាចដោះស្រាយបញ្ហានោះបានមួយយប់ទេ”។
សង្គ្រាមអ៊ីរ៉ង់ បានចាប់ផ្តើមនៅពេលដែលសហរដ្ឋអាមេរិក និងអ៊ីស្រាអែលបានវាយប្រហារអ៊ីរ៉ង់នៅថ្ងៃទី 28 ខែកុម្ភៈ។
អ៊ីរ៉ង់បានឆ្លើយតបដោយការវាយប្រហាររបស់ខ្លួនទៅលើអ៊ីស្រាអែល និងរដ្ឋឈូងសមុទ្រដែលជាម្ចាស់ផ្ទះនៃមូលដ្ឋានទ័ពអាមេរិក។
ការវាយប្រហាររបស់សហរដ្ឋអាមេរិក-អ៊ីស្រាអែលទៅលើអ៊ីរ៉ង់ និងការវាយប្រហាររបស់អ៊ីស្រាអែលនៅក្នុងប្រទេសលីបង់បានសម្លាប់មនុស្សរាប់ពាន់នាក់ និងធ្វើឱ្យមនុស្សរាប់លាននាក់ត្រូវផ្លាស់ទីលំនៅ៕