ក្រុមហ៊ុនថាមពលបរមាណូរបស់រុស្ស៊ី ប្រកាសថាខ្លួនបានបញ្ចប់ការជម្លៀសបុគ្គលិកជាង៦០០នាក់ចេញពីរោងចក្រថាមពលនុយក្លេអ៊ែរ Bushehrនៅប្រទេសអ៊ីរ៉ង់ ដោយសារភាពតានតឹងយោធាកំពុងកើនឡើងក្នុងតំបន់។
ប្រភពពីសារព័ត៌មានAnadolu Agencyនៅថ្ងៃទី២១ខែមេសា។
ប្រធានក្រុមហ៊ុន Alexey Likhachev បានបញ្ជាក់ថា បច្ចុប្បន្នមានតែអ្នកស្ម័គ្រចិត្តប្រហែល ២០ នាក់នៅស្ថានីយ៍ Bushehr និងបុគ្គលិក ៤ នាក់ទៀតនៅទីក្រុង Tehran ប៉ុណ្ណោះដែលនៅសល់ ខណៈបុគ្គលិកភាគច្រើនត្រូវបាននាំត្រឡប់ទៅប្រទេសរុស្ស៊ីរួចរាល់។
សូមបញ្ជាក់ថា៖ រោងចក្រថាមពលនុយក្លេអ៊ែរ Bushehr គឺជាគម្រោងសហការរវាងរុស្ស៊ី និងអ៊ីរ៉ង់ ចាប់ផ្តើមពីឆ្នាំ ១៩៩៥ ហើយបានដំណើរការនៅឆ្នាំ ២០១១។ ការដកបុគ្គលិកចេញបង្ហាញពីការព្រួយបារម្ភសុវត្ថិភាពក្នុងបរិបទជម្លោះតំបន់កំពុងកើនឡើង៕