វិមានក្រឹមឡាំងបានប្រកាសថា ប្រធានាធិបតីរុស្ស៊ី លោកVladimir Putin ត្រៀមខ្លួនជួបជាមួយប្រធានាធិបតីអ៊ុយក្រែន លោកVolodymyr Zelenskyy ក្នុងគោលបំណងចុងក្រោយក្នុងការបញ្ចប់កិច្ចព្រមព្រៀងសន្តិភាពប៉ុណ្ណោះ។
ប្រភពពីសារព័ត៌មានAnadolu Agency នៅថ្ងៃទី២៣ខែមេសា។
ខាងអ៊ុយក្រែនវិញ លោក Zelenskyy បាននិយាយថា ប្រទេសរបស់លោកត្រៀមខ្លួនសម្រាប់ការចរចានៅគ្រប់ពេល ប៉ុន្តែការរីកចម្រើនមិនអាស្រ័យលើខ្លួនតែម្នាក់ឯង។ លោកបានលើកឡើងថា ទីតាំងជួបអាចនៅប្រទេសទីបី ដូចជា ទួរគី ឬតំបន់មជ្ឈិមបូព៌ា ប៉ុន្តែមិនមែននៅរុស្ស៊ី ឬបេឡារុសទេ។
ការអភិវឌ្ឍថ្មីនេះកើតឡើង ខណៈការចរចាសន្តិភាពរវាងរុស្ស៊ី និងអ៊ុយក្រែនត្រូវបានរារាំងបន្ថែម ដោយសារភាពតានតឹងអន្តរជាតិនិងសង្គ្រាមអ៊ីរ៉ង់ដែលកំពុងបន្ត៕