នាយករដ្ឋមន្ត្រីអ៊ីស្រាអែល លោកBenjamin Netanyahu បានបង្ហាញជាផ្លូវការថា លោកបានទទួលការព្យាបាលសម្រាប់ជំងឺមហារីកក្រពេញប្រូស្តាតដំណាក់កាលដំបូង បន្ទាប់ពីរកឃើញអាការៈក្នុងអំឡុងពេលតាមដានសុខភាពជាបន្តបន្ទាប់។
ប្រភពពីសារព័ត៌មានNew york post នៅថ្ងៃទី២៤ខែមេសា។
លោក Netanyahu អាយុ ៧៦ ឆ្នាំ បានឲ្យដឹងថា ក្រុមវេជ្ជបណ្ឌិតបានរកឃើញចំណុចតូចមួយមានទំហំតិចជាងមួយសង់ទីម៉ែត្រនៅក្នុងក្រពេញប្រូស្តាត បន្ទាប់ពីលោកធ្លាប់វះកាត់ព្យាបាលបញ្ហាក្រពេញប្រូស្តាតរីកធំកាលពីឆ្នាំ 2024។
ទោះបីជាយ៉ាងណា លោក Netanyahu បានបញ្ជាក់ថា ស្ថានភាពជំងឺត្រូវបានរកឃើញនៅដំណាក់កាលដំបូង និងស្ថិតក្រោមការគ្រប់គ្រងរបស់វេជ្ជបណ្ឌិត ខណៈលោកនៅតែបន្តបំពេញភារកិច្ចដឹកនាំប្រទេសក្នុងអំឡុងពេលវិបត្តិជាតិ៕