កាលពីថ្ងៃទី 24 ខែមេសា ឆ្នាំ2026 ក្រសួងសុខាភិបាលលីបង់បានរាយការណ៍ថា មនុស្ស8នាក់ទៀតបានស្លាប់ និង 12 នាក់ទៀតរងរបួស ក្នុងការវាយប្រហាររបស់អ៊ីស្រាអែលរយៈពេល24ម៉ោងចុងក្រោយ។ បណ្តាលឲ្យចំនួនអ្នកស្លាប់សរុបចាប់តាំងពីថ្ងៃទី2 ខែមីនា បានកើនដល់ 2,491 នាក់ ខណៈអ្នករងរបួសសរុបមាន 7,719 នាក់។
ប្រភពពីសារព័ត៌មានAnadolu Agency។
នៅពេលដូចគ្នាលោកDonald Trump បានប្រកាសថា អ៊ីស្រាអែល និងលីបង់បានយល់ព្រមបន្តបទឈប់បាញ់រយៈពេល 3 សប្តាហ៍ បន្ទាប់ពីកិច្ចចរចាកម្រិតខ្ពស់នៅ White House។ ការព្រមព្រៀងថ្មីនេះកើតឡើងបន្ទាប់ពីបទឈប់បាញ់ 10 ថ្ងៃដែលបានប្រកាសកាលពីថ្ងៃទី 16 ខែមេសា ប៉ុន្តែត្រូវបានរាយការណ៍ថាមានការរំលោភជាបន្តបន្ទាប់។
ស្ថានភាពនៅលីបង់នៅតែតានតឹង ខណៈការវាយប្រហារនិងការប៉ះទង្គិចនៅតែបន្ត ទោះបីមានកិច្ចព្រមព្រៀងឈប់បាញ់ក៏ដោយ៕