ប្រភពបានប្រាប់សារព័ត៌មាន Iran Internationalថា ប្រធានាធិបតី Masoud Pezeshkian និងប្រធានសភា Mohammad Bagher Ghalibaf គ្រោងនឹងបណ្ដេញលោក Abbas Araghchi ចេញពីរដ្ឋមន្ត្រីការបរទេសអ៊ីរ៉ង់។
ដោយផ្អែកថា ក្នុងរយៈពេលប៉ុន្មានសប្តាហ៍ថ្មីៗនេះលោក Abbas Araghchi បានធ្វើសកម្មភាពតិចជាងមុន ក្នុងនាមជារដ្ឋមន្ត្រី និងមកដើរតួជាជំនួយការរបស់លោក Ahmad Vahidi មេបញ្ជាការឆ្មាំបដិវត្តន៍។
របាយការណ៍អំពីការបែកបាក់ក្នុងចំណោមមន្ត្រីសាធារណរដ្ឋអ៊ីស្លាមធ្លាប់បានលេចចេញពីមុនមក។
នៅថ្ងៃទី 28 ខែមីនា របាយការណ៍បានចង្អុលបង្ហាញពីការខ្វែងគំនិតគ្នាយ៉ាងធ្ងន់ធ្ងរ រវាងលោក Pezeshkian និងលោក Vahidi ដែលជាមេបញ្ជាការកងឆ្មាំបដិវត្តន៍ ។
ឥឡូវនេះត្រូវបានគេនិយាយថា ជាឥស្សរជនដ៏មានឥទ្ធិពលបំផុត នៅក្នុងកម្លាំង។
ប្រភពព័ត៌មានបានប្រាប់ Iran International ថាជម្លោះនេះកើតចេញពី “ការដោះស្រាយសង្គ្រាម និងផលវិបាកបំផ្លិចបំផ្លាញ ជីវភាពរស់នៅរបស់ប្រជាជន និងសេដ្ឋកិច្ចរបស់ប្រទេស”។
បីថ្ងៃក្រោយមក Iran International បានទទួលរបាយការណ៍ថា លោក Pezeshkian មានការខកចិត្តចំពោះការត្រូវបានដាក់ឱ្យស្ថិតនៅក្នុង “ភាពជាប់គាំងនយោបាយទាំងស្រុង” ហើយថា គាត់ថែមទាំងត្រូវបានដកហូតសិទ្ធិអំណាចក្នុងការតែងតាំងអ្នកជំនួសមន្ត្រីរដ្ឋាភិបាលដែលត្រូវបានសម្លាប់ក្នុងអំឡុងសង្គ្រាមទៀតផង។
យោងតាមរបាយការណ៍នោះ លោក Vahidi ត្រូវបានគេនិយាយថា បានប្រកាសយ៉ាងច្បាស់ថា ដោយសារតែស្ថានភាពសង្គ្រាមដ៏សំខាន់ មុខតំណែងគ្រប់គ្រងសំខាន់ៗ និងរសើបទាំងអស់ត្រូវតែត្រូវបានជ្រើសរើស និងដំណើរការដោយផ្ទាល់ដោយកងឆ្មាំបដិវត្តន៍ រហូតដល់មានការជូនដំណឹងបន្ថែម៕