យ៉ាងហោចណាស់នាវិកអ៊ីរ៉ង់៤៤នាក់ត្រូវបានសម្លាប់ និង 29នាក់រងរបួស ចាប់តាំងពីការចាប់ផ្តើមសង្គ្រាមរវាងអាមេរិកនិងអ៊ីស្រាអែល ប្រឆាំងនឹងអ៊ីរ៉ង់។
ប្រភពពីសារព័ត៌មានAl Jazeera នៅថ្ងៃទី១ខែឧសភា។
លោក Saman Rezaei អគ្គលេខាធិការនៃសមាគមពាណិជ្ជករសមុទ្រអ៊ីរ៉ង់ បាននិយាយថា ក្នុងចំណោមអ្នកស្លាប់មាននាវិកស៊ីវិល អ្នកនេសាទ និងកម្មករកំពង់ផែ ដែលត្រូវបានវាយប្រហារនៅចន្លោះខែកុម្ភៈ ដល់ខែមេសា។
ទោះយ៉ាងណា របាយការណ៍នេះមិនទាន់ត្រូវបានផ្ទៀងផ្ទាត់ដោយឯករាជ្យ ហើយមិនរាប់បញ្ចូលសមាជិកកងទ័ពជើងទឹកអ៊ីរ៉ង់ដែលស្លាប់ក្នុងសង្គ្រាមឡើយ។ សហជីពបានព្រមានថា ស្ថានភាពបច្ចុប្បន្នកំពុងបង្កវិបត្តិមនុស្សធម៌សម្រាប់អ្នកធ្វើដំណើរតាមសមុទ្រនៅក្នុងតំបន់ឈូងសមុទ្រ៕