ការស្ទង់មតិថ្មីបង្ហាញថា ប្រហែល68%នៃជនជាតិអាល្លឺម៉ង់គិតថារដ្ឋាភិបាលរបស់ពួកគេខ្វះយុទ្ធសាស្ត្រច្បាស់លាស់ក្នុងការឆ្លើយតបទៅនឹងសង្គ្រាមអ៊ីរ៉ង់ ខណៈមានតែ 28% ប៉ុណ្ណោះដែលមានទស្សនៈផ្ទុយ។
ប្រភពពីសារព័ត៌មានAnadolu Agencyនៅថ្ងៃទី២ខែឧសភា។
លទ្ធផលនេះបង្ហាញថា ការមិនពេញចិត្តមាននៅទូទាំងក្រុមនយោបាយផ្សេងៗ ជាពិសេសអ្នកគាំទ្រគណបក្សស្តាំនិយម Alternative for Germany ដែលដល់ទៅ 86%។ ក្រុមគណបក្សឆ្វេង និងបៃតងក៏មានភាគរយខ្ពស់ដូចគ្នា។
នៅតំបន់អាល្លឺម៉ង់ខាងកើត មានតែ 17% ប៉ុណ្ណោះដែលជឿថារដ្ឋាភិបាលមានទិសដៅច្បាស់ ខណៈយុវវ័យអាយុ 18–29 ឆ្នាំដល់ទៅ 76% មានមតិថាខ្វះយុទ្ធសាស្ត្រ។
ការស្ទង់មតិនេះបង្ហាញពីការព្រួយបារម្ភកាន់តែខ្លាំងនៅអឺរ៉ុបអំពីទិសដៅនយោបាយក្នុងជម្លោះអ៊ីរ៉ង់៕