ប្រធានាធិបតីសហរដ្ឋអាមេរិក លោក Donald Trump បាននិយាយថា លោក កំពុងពិនិត្យសំណើ 14ចំណុចរបស់អ៊ីរ៉ង់ ដើម្បីបញ្ចប់សង្គ្រាម ខណៈពេលដែលលោកព្រមានថា ទីក្រុងវ៉ាស៊ីនតោន អាចចាប់ផ្តើមវាយប្រហារតាមអាកាសឡើងវិញ ប្រសិនបើទីក្រុងតេអេរ៉ង់«ប្រព្រឹត្តខុស»។
សារព័ត៌មានAl Jazeera នៅថ្ងៃទី០៣.០៥.២០២៦។
ថ្លែងទៅកាន់អ្នកយកព័ត៌មាននៅរដ្ឋផ្លរីដា មុនពេលឡើងយន្តហោះ Air Force One កាលពីថ្ងៃសៅរ៍ លោក Trump បានបញ្ជាក់ថា លោកត្រូវបានជូនដំណឹងអំពី«គោលគំនិតនៃកិច្ចព្រមព្រៀង»។
ទោះបីជាមានការបើកចំហរការទូតក៏ដោយ ប្រធានាធិបតីសហរដ្ឋអាមេរិកបានប្រើសំឡេង មិនច្បាស់លាស់ទាក់ទងនឹងលទ្ធភាពនៃអរិភាពឡើងវិញ ដែលត្រូវបានផ្អាកចាប់តាំងពីការប្រកាសបទឈប់បាញ់រវាងភាគីទាំងពីរនៅថ្ងៃទី 7 ខែមេសា។
លោក Trump បាននិយាយនៅពេលសួរថា តើការវាយប្រហារនឹងបន្តឬអត់ថា«ប្រសិនបើពួកគេធ្វើអ្វីមួយអាក្រក់ មានលទ្ធភាពដែលវាអាចកើតឡើង»។
លោក Trump បានបន្ថែមថា សហរដ្ឋអាមេរិក«កំពុងធ្វើបានល្អណាស់» ហើយបានអះអាងថា អ៊ីរ៉ង់អស់សង្ឃឹមសម្រាប់ការដោះស្រាយ ពីព្រោះប្រទេសនេះត្រូវបាន«បំផ្លាញ»ដោយជម្លោះជាច្រើនខែ និងការបិទផ្លូវកងទ័ពជើងទឹក៕