កូរ៉េខាងជើង បានចេញមុខបដិសេធការចោទប្រកាន់ពីសហរដ្ឋអាមេរិក ដែលអះអាងថាកូរ៉េខាងជើង មានពាក់ព័ន្ធនឹងសកម្មភាពគំរាមកំហែងតាមអ៊ីនធឺណិត។
ប្រភពពីសារព័ត៌មានReuter នៅថ្ងៃទី៣ខែឧសភា។
តាមសេចក្តីរាយការណ៍របស់ KCNA អ្នកនាំពាក្យក្រសួងការបរទេសបាននិយាយថា សហរដ្ឋអាមេរិក កំពុងផ្សព្វផ្សាយព័ត៌មានមិនពិតអំពីការគំរាមកំហែងតាមអ៊ីនធឺណិតដើម្បីយកជាមូលដ្ឋានសម្រាប់គោលនយោបាយអរិភាពយូរអង្វែងចំពោះព្យុងយ៉ាង។
មន្ត្រីដដែលបានបន្ថែមថា ការចោទប្រកាន់ទាំងនេះគឺការបង្កាច់បង្ខូចមិនសមហេតុផល ដែលមានគោលបំណងបង្ខូចកេរ្តិ៍ឈ្មោះរបស់ប្រទេសខ្លួន។ ជាមួយគ្នានេះ កូរ៉េខាងជើង ក៏បានព្រមានថា អាចនឹងមានវិធានការតបត ប្រសិនបើស្ថានភាពបន្តតានតឹងឡើង៕