តម្លៃប្រេងបានធ្លាក់ចុះ នៅថ្ងៃចន្ទ៤ ខែឧសភា ឆ្នាំ២០២៦ បន្ទាប់ពីប្រធានាធិបតីអាមេរិក លោក Donald Trump បាននិយាយថា សហរដ្ឋអាមេរិក នឹងប្រឹងប្រែងដើម្បីដោះលែងនាវា ដែលជាប់គាំងនៅច្រកសមុទ្រ Hormuz។
បើទោះជាពុំមានកិច្ចព្រមព្រៀងសន្តិភាពរវាងសហរដ្ឋអាមេរិក និងអ៊ីរ៉ង់ក៏ដោយ។
សារព័ត៌មានRoya news។
តម្លៃប្រេងឆៅ Brent បានធ្លាក់៦៤ សេន ឬ០,៥៩% មកនៅត្រឹម១០៧,៥៣ ដុល្លារក្នុងមួយបារ៉ែល នៅម៉ោង ២៣និង៨នាទីម៉ោងសកល បន្ទាប់ពីបានធ្លាក់២,២៣ ដុល្លារកាលពីថ្ងៃសុក្រចុងសប្ដាហ៍មុន។
តម្លៃប្រេង West Texas Intermediate របស់សហរដ្ឋអាមេរិកមានតម្លៃ ១០១,១០ដុល្លារក្នុងមួយបារ៉ែល ធ្លាក់៨៤ សេន ឬ០,៨២ % ក្រោយការខាតបង់ ៣,១៣ដុល្លារកាលពីថ្ងៃសុក្រចុងសប្ដាហ៍មុន។
តម្លៃប្រេង នៅតែខ្ពស់ជាង១០០ ដុល្លារក្នុងមួយបារ៉ែល ដោយគ្មានកិច្ចព្រមព្រៀងសន្តិភាពណាមួយកើតឡើង ហើយចរាចរណ៍នៅក្នុងច្រកសមុទ្ទ Hormuz នៅតែមានកម្រិត។
ការចរចារវាងសហរដ្ឋអាមេរិក និងអ៊ីរ៉ង់ បានបន្តកាលពីចុងសប្តាហ៍នេះ ដោយប្រទេសនានា កំពុងវាយតម្លៃការឆ្លើយតប និងបើកទំព័រថ្មីពីគ្នាទៅវិញទៅមក៕