ប្រធានាធិបតីគុយបា លោក Miguel Diaz-Canel បាននិយាយថា សហរដ្ឋអាមេរិក កំពុងស្វែងរកលេសដើម្បីចាប់ផ្តើមអន្តរាគមន៍ យោធាប្រឆាំងនឹងប្រទេសរបស់លោក។
សារព័ត៌មានAnadolu នៅថ្ងៃទី០៤.០៥.២០២៦។
ថ្លែងទៅកាន់ការជួបជុំ ដើម្បីរំលឹកខួបលើកទី100 នៃកំណើតរបស់លោក Fidel Castro លោក Diaz-Canel បានរិះគន់គោលនយោបាយ របស់សហរដ្ឋអាមេរិក និងបានបដិសេធការកំណត់លក្ខណៈ របស់ទីក្រុងវ៉ាស៊ីនតោន ចំពោះប្រទេសគុយបា ថាជាការគំរាមកំហែង។
លោក Diaz-Canel បានពិពណ៌នាអំពីរដ្ឋាភិបាលសហរដ្ឋអាមេរិកថាជា“ហ្វាស៊ីស”ដោយភ្ជាប់គោលនយោបាយរបស់ខ្លួន ទៅនឹងជម្លោះសកល។
“នេះជាមូលហេតុ ដែលសកម្មភាពប្រល័យពូជសាសន៍ កើតឡើងនៅក្នុងពិភពលោក ដូចជាការប្រល័យពូជសាសន៍ប្រឆាំងនឹងប្រជាជនប៉ាឡេស្ទីន ដូចជាការប្រល័យពូជសាសន៍ប្រឆាំងនឹងប្រជាជនលីបង់”។
នេះជាមូលហេតុ ដែលការឈ្លានពាន និងភាសាសង្គ្រាម ត្រូវបានប្រើដើម្បីដោះស្រាយជម្លោះអន្តរជាតិ”លោកបាននិយាយ៕