រដ្ឋមន្ត្រីការបរទេសស៊ីរី លោកAsaad al-Shaibani បានធ្វើដំណើរទស្សនកិច្ចជាលើកដំបូងនៅអេហ្ស៊ីប ហើយជួបពិភាក្សាជាមួយសមភាគី Badr Abdelatty។
ប្រភពពីសារព័ត៌មានAnadolu Agency នៅថ្ងៃទី៤ខែឧសភា។
ភាគីទាំងពីរ បានពិភាក្សាពីការពង្រឹងទំនាក់ទំនង និងសហប្រតិបត្តិការរវាងប្រទេសទាំងពីរ ព្រមទាំងបញ្ហាតំបន់។ អេហ្ស៊ីបបានបញ្ជាក់ថា គាំទ្រអធិបតេយ្យភាព និងស្ថិរភាពរបស់ស៊ីរី និងបដិសេធការជ្រៀតជ្រែកពីបរទេស។
សូមបញ្ជាក់ថា៖ អេហ្ស៊ីបក៏បានរិះគន់អ៊ីស្រាអែលចំពោះការរំលោភអធិបតេយ្យភាពស៊ីរី ហើយប្រឆាំងការពង្រីកការគ្រប់គ្រងលើដែនដី ដូចជា Golan Heights ដែលអ៊ីស្រាអែលកាន់កាប់៕