កងកម្លាំងយោធាអាមេរិក ត្រូវបានអនុញ្ញាតឱ្យវាយប្រហារភ្លាមៗចំពោះការគំរាមកំហែងណាមួយនៅជិតច្រកសមុទ្រ Hormuz បន្ទាប់ពីមានការផ្លាស់ប្តូរច្បាប់នៃការចូលរួម។ តាមរបាយការណ៍របស់ Axios កងកម្លាំងអាមេរិកអាចវាយប្រហារទៅលើគោលដៅដូចជា ទូកល្បឿនលឿនរបស់ IRGC ឬទីតាំងមីស៊ីលអ៊ីរ៉ង់ ប្រសិនបើមានហានិភ័យភ្លាមៗចំពោះនាវាដឹកជញ្ជូន។
ប្រភពពីសារព័ត៌មានIran International នៅថ្ងៃទី៤ខែឧសភា។
នៅពេលដូចគ្នាបញ្ជាការកណ្តាលអាមេរិក បានឱ្យដឹងថា នាវាពាណិជ្ជកម្មដែលមានទង់ជាតិអាមេរិកពីរគ្រឿង បានឆ្លងកាត់ច្រកសមុទ្រ Hormuz ដោយសុវត្ថិភាព ក្រោមការការពាររបស់កងទ័ពជើងទឹកអាមេរិក ក្នុងបេសកកម្មស្តារឡើងវិញនៃការដឹកជញ្ជូនពាណិជ្ជកម្ម។
ជាមួយគ្នានេះ តម្លៃប្រេងឆៅប្រភេទ Brent crude oil បានកើនឡើងជាង ៥% ខណៈ អ៊ីរ៉ង់ អះអាងថាបានរារាំងនាវាចម្បាំងអាមេរិកមិនឱ្យចូលច្រកសមុទ្រ Hormuz៕