ឥណ្ឌានិងប៉ាគីស្ថាន បានចេញមុខថ្កោលទោសយ៉ាងខ្លាំងចំពោះការវាយប្រហាររបស់អ៊ីរ៉ង់លើប្រទេសអារ៉ាប់រួម (UAE) ដោយអំពាវនាវឱ្យមានការអត់ធ្មត់ និងវិលត្រឡប់ទៅរកដំណោះស្រាយតាមផ្លូវការទូត។
ប្រភពពីសារព័ត៌មានIran International នៅថ្ងៃទី៥ខែឧសភា។
នាយករដ្ឋមន្ត្រីឥណ្ឌា នរេនដ្រា ម៉ូឌី (Narendra Modi) បានថ្លែងថា ការវាយប្រហារដែលបណ្តាលឲ្យមានអ្នករងរបួសជនជាតិឥណ្ឌា៣នាក់ គឺមិនអាចទទួលយកបានហើយបានសង្កត់ធ្ងន់ថា ការកំណត់គោលដៅលើជនស៊ីវិល និងហេដ្ឋារចនាសម្ព័ន្ធត្រូវតែបញ្ឈប់ភ្លាមៗ។
ចំណែកឯនាយករដ្ឋមន្ត្រីប៉ាគីស្ថាន សេបាស សារីហ្វ (Shehbaz Sharif) ក៏បានថ្កោលទោសការវាយប្រហារនេះដែរ ដោយបង្ហាញសាមគ្គីភាពពេញលេញជាមួយ UAE និងអំពាវនាវឱ្យមានបទឈប់បាញ់ ដើម្បីបើកផ្លូវសម្រាប់ការចរចាសន្តិភាព និងស្ថិរភាពក្នុងតំបន់យូរអង្វែង៕