ក្រសួងរតនាគារសហរដ្ឋអាមេរិក បានដាក់ទណ្ឌកម្មលើអនុរដ្ឋមន្ត្រីប្រេងរបស់ប្រទេសអ៊ីរ៉ាក់ លោក Ali Maarij al-Bahadly និងមេដឹកនាំនៃកងជីវពលគាំទ្រអ៊ីរ៉ង់ ដោយចោទប្រកាន់ពួកគេថា បានជួយអ៊ីរ៉ង់លក់ប្រេង ដោយរំលោភលើទណ្ឌកម្មរបស់សហរដ្ឋអាមេរិក។
សារព័ត៌មានAl Jazeera នៅថ្ងៃទី០៧.០៥.២០២៦។
ដូចជាក្រុមចោរប្លន់មួយក្រុម របបអ៊ីរ៉ង់កំពុងប្លន់ យកធនធាន ដែលជាកម្មសិទ្ធិរបស់ប្រជាជនអ៊ីរ៉ាក់។
ដោយស្របច្បាប់” លោក Scott Bessent រដ្ឋមន្ត្រីក្រសួងរតនាគារសហរដ្ឋអាមេរិកបានមានប្រសាសន៍។
“ក្រសួងរតនាគារនឹងមិនឈរស្ងៀមទេ ខណៈដែលយោធាអ៊ីរ៉ង់ កេងប្រវ័ញ្ចប្រេងរបស់ប្រទេសអ៊ីរ៉ាក់ដើម្បីផ្តល់មូលនិធិដល់អំពើភេរវកម្មប្រឆាំងនឹងសហរដ្ឋអាមេរិក និងដៃគូរបស់យើង”។
ទាំងអ៊ីរ៉ាក់ និងអ៊ីរ៉ង់ មិនបានឆ្លើយតបទេ។
ទណ្ឌកម្មនៅថ្ងៃព្រហស្បតិ៍ក៏កើតឡើងផងដែរ ខណៈដែលសហរដ្ឋអាមេរិក និងអ៊ីរ៉ង់កំពុងប្រយុទ្ធគ្នាដណ្តើមការគ្រប់គ្រងច្រកសមុទ្រហ័រមូស ដែលជាផ្លូវសំខាន់សម្រាប់ការនាំចេញប្រេងពីតំបន់ឈូងសមុទ្រ។
អ៊ីរ៉ាក់បានស្ថិត នៅក្រោមសម្ពាធពីសហរដ្ឋអាមេរិកក្នុងរយៈពេលប៉ុន្មានខែថ្មីៗនេះ ដោយសារការចោទប្រកាន់ថាខ្លួននៅជិតអ៊ីរ៉ង់ជិតខាងពេក។
ប្រធានាធិបតី ដូណាល់ ត្រាំ បានព្រមានកាលពីដើមឆ្នាំនេះថា ទីក្រុងវ៉ាស៊ីនតោននឹងបញ្ឈប់ការគាំទ្រដល់អ៊ីរ៉ាក់ ប្រសិនបើលោក នូរី អាល់-ម៉ាលីគី ដែលគាំទ្រអ៊ីរ៉ង់ ក្លាយជានាយករដ្ឋមន្ត្រីអ៊ីរ៉ាក់ ក្រោយមក លោកបានដកខ្លួនចេញពីការឈរឈ្មោះ៕